Білім – адамзаттың ең құнды байлығы. Ғылым мен техниканың қарқынды дамыған дәуірінде математика, физика және информатика пәндерінің рөлі ерекше. Осы бағыттағы білім терең болған сайын, болашақта технологиялық жетістіктерге қол жеткізу мүмкіндігі арта түседі.
Осыған орай, «Ақбастау жалпы білім беретін мектеп» КММ-де 3-7 наурыз аралығында «Ғылымдар синергиясы: Математика, физика және информатика бірлігінде» атты пәндік апталық өтеді. Бұл апталықтың мақсаты – оқушылардың аталған пәндерге деген қызығушылығын арттыру, олардың теориялық білімдерін тәжірибе жүзінде қолдануына мүмкіндік беру және ғылымдардың өзара байланысын көрсету.
Апталықтың мақсаттары:
Оқушылардың математикалық, физикалық және ақпараттық сауаттылығын дамыту;
Ғылыми ойлау қабілеттерін арттыру және логикалық тұрғыдан талдау дағдыларын жетілдіру;
Ғылымдардың өзара байланысын түсіндіру арқылы кешенді білім беру;
Инновациялық технологиялар мен жасанды интеллект тақырыптарына қызығушылықты арттыру.
Апталықтың мазмұны:
Апталық аясында әртүрлі іс-шаралар жоспарланған. Атап айтқанда:
Жасанды интеллект «Бүгін және ертең» коучингі – жаңа технологиялардың болашағы туралы пікірталас.
«Функцияның кесіндідегі ең үлкен және ең кіші мәндері» – математикалық талдау бойынша ашық сабақ.
«Алгоритмнің трассировкасы» – бағдарламалау және алгоритм құру дағдыларын дамытуға арналған сабақ.
«Координаталық жазықтық. Тікбұрышты координаталар жүйесі» – математиканың практикалық қолданылуын түсіндіру.
«Математикалық және серіппелі маятниктердің тербелістері» – физика заңдылықтарын тәжірибе жүзінде көрсету.
XXI ғасыр көшбасшысы – оқушылардың зияткерлік қабілеттерін сынға салатын сайыс.
Қорытындылау – апталық барысында белсенділік танытқан оқушылар марапатталып, апталық нәтижесі шығарылады.
Қорытынды
Бұл апталық оқушылардың ғылымға деген сүйіспеншілігін арттырып, олардың шығармашылық және сыни ойлау дағдыларын дамытуға ықпал етеді. Математика, физика және информатика пәндері – тек теориялық ғылымдар ғана емес, болашақтың негізін қалайтын ілімдер. Сондықтан әрбір оқушының осы мүмкіндікті пайдаланып, өз білім көкжиегін кеңейтетініне сенеміз!
Іс-шараны ұйымдастырушылар:
Пән мұғалімдері
«Ақбастау» ЖББМ әкімшілігі
